مسرحية هزلية
كل مرة عندنا هنا
فى مصر تحصل مشكلة تقوم الدنيا و متعدش و نيجى و نقول بس المرة دى مش هنسكت و نسخن
أوى و تلاقى إن المشكلة بقت حديث الشعب عالقهوة و فى الشارع حتى المشروع و ساعتها أقول
بس ايه الوعى الجامد ده عند الناس و أقوم أقول لنفسى المرة دى هيتعاملوا مع المشكلة
صح و هيعرفوا ايه الغلط و يحللوا الأزمة و يتعلموا و يتطوروا و بعد رغى و حزن و ناس
تتنطط يمين و شمال ايه ده ؟؟؟!!!!! هوه فى ايه ؟؟؟!!!!!! و لا كأن حاجة حصلت و عادت
ريما لعادتها القديمة و الناس نست اللى حصل و تمر الايام و تتكرر نفس المشكلة ممكن
بلون تانى لكن تلاقى نفس الدهشة و الحراك المجتمعى الغريب!!!!!!!! مش حاجة تشل
...... اه و الله و خلاصة الكلام ده تعالو نشوف كده المراحل الخمسة للمسرحية الهزلية
دى و ايه المرحلة اللى ناقصة ..........................
التسلسل الدرامي
للأزمات "المحزنة" في مصر:
1. الاندهاش سببه إن نفس الأزمة مرت من قبل ولم يحدث
فيها شيء .
2. الحزن ... طبيعي
عشان لازم نزعل لأن الأزمة "محزنة" .
3. الحداد ...
تتعلق بالعادات والتقاليد ... يعني حزن من غير حداد ... عيب ميصحش!! .
4. الخلاف على المسبب ... ودا طبعًا ظاهره لتحديد
الجاني وباطنه لإثبات وجهات نظرك .
5. النسيان ... ويعني مطلوب مننا نفضل فاكرين كل
حاجة ... يا راجل كبر مخك .
محدش أخد باله إن فيه مرحلة مهمة اسمها حل الأزمة
... دي بقى هنشوفوا فرحلة تانية حل الأزمة يا ترى المرحلة دى مستحيلة و لا ممكن نوصلها
؟؟؟!!! هيبان .....
#نظرة
((د/مصطفى كريم ))
((أحمد الأمير ))
ليست هناك تعليقات:
إرسال تعليق